Children's Books

Swarnahansa Jathakaya Ha Wenath Katha - ''The Golden Goose And Other Jathaka Stories''  නම් කෘතියේ සිංහල පරිවර්තනයක් වන මෙහි චිත්‍ර කතා මාධ්‍යයෙන් ජාතක කතා 05 ක් නිරූපණය කර ඇත.

'හීන් සැරය' ළමා ලෝකයේ අතිවිශිෂ්ට භූමිකාවක් නිරූපණය කරන්නකි. රසවත් කතා තුළින් දෙස බස රැස පිළිබඳ මහත් උනන්දුවක් ඇති කරන හීන් සැරය වැනි කතා කියවීමෙන් රසවිඳීමෙන් අවසන් නොකර විවිධ වියරණ නීති ඉගෙනීමද වැදගත් වේ.

හෙළ ළමා සාහිත්‍යයට අනුපමේය සේවාවක් කළ හෙළයේ මහ ඉසි කුමාරතුංග මුනිදාස සූරීන් විසින් සම්පාදිත මෙම කෘතිය දිගු කලක් ළමා ලෝකයේ ආදරය දිනාගත් විශිෂ්ට කෘතියකි.

කුමාරතුංග මුනිදාස විසින් රචිත ”හත්පණ” ළමා පාඨකයන්ගේ දැනුම වඩවන, ඔවුන් තුළ සතුට හා සිනාව උපදවන, ඒ සමගම කුතුහලය දනවමින් ඉදිරියට ගලා යන කතාවක් පදනම්කරගත්, හාස්‍යයෙන් අනූන ළමා සාහිත්‍ය කෘතියකි. සිබිල් වෙත්තසිංහයන්ගේ සිතුවම්වලින් පොත අලංකාර වී ඇත.

බුද්ධ චරිතයෙහි සුවිශේෂි අවස්ථාවන්ද, බුදුන් දවස සිදු වූ සුවිශේෂී සිදුවීම් ද අලළා කථා 21  ඔස්සේ චිත්‍ර කථා අනුසාරයෙන් නිමැවුණු විචිත්‍රවත් කෘතියකි. 

යහගුණ වගාවට සරුසාර තෝතැන්නක් වන ළමා සිතට ගැලපෙන පරිදි ඉතා සරල, සුගම බසින් ලියා ඇති මේ කතන්දර එක් හුස්මට කියවා ජීවිත කාලයක් රස විඳ, ජීවන මන් පෙතට කිසියම් ආලෝකයක් ලබා ගැනීමට ඉවහල් වන කුඩා කතන්දර පහකින් යුක්ත ඉතා අපුරු ග්‍රන්ථයකි..

අපි හොද ළමයි වෙමු - අනාගතයේදී යහපත් පුද්ගලයකු ලෙස සැනසීමෙන් යුතුව ජීවත්වීම සඳහා කුඩා කල සිටම යහපත් පුරුදු ඇති කරගත යුතුය. ඒ සඳහා ළමයින්ට මග පෙන්වීමට මේ කුඩා පොත ඉවහල් වනු ඇත..

'පොඩි ගමරාළ' නමැති මෙම ග්‍රන්ථයෙහි සඳහන් වන්නේ සරල ජීවන රට්ටවකට උරුමකම් කියන ගමරාල ප්‍රධාන ඔහුගේ පවුල් පසුබිම පිලිබඳවය. ධාර්මික ජීවන රටාවකට පුරුදු වුන ඔවුහු තමන්ගේ ගිහි ජීවිතය සාර්ථක කරගත් හැටි මෙයන් විදහා දැක්වෙයි..

ලාංකේය දූ පුතුන්ට අන් දේශයන් හි ප්‍රකට රසවත් ළමා කතන්දර සමීප කරවීමේ අරමුණෙන් 'ඇලඩින් සහ පුදුම පහන'නම් වූ රසාලිප්ත කතාන්දරය මෙසේ ළමා ලොවට තිළිණ කෙරෙයි.

සෙල්ලම් කරත්තය - 

පොඩි හාමුදුරුවෝ සහ වෙනත් කතා - 2002 වසරේ හොඳම ළමා කතා කෘතිය වශයෙන් රාජ්‍ය සම්මාන ලැබූ මෙම කතා පොත බොදු ජන ජීවිතය ආශ්‍රය කරගෙන රචනා කර ඇත.

බුදු බව පතා - සිද්ධාර්ථ තව්සාණෝ පුරා සයවසක් විඳි දුෂ්කර ක්‍රියාව, සංවේදී රිද්මයකින් සරල බස් වහරකින් මේ කෘතිය තුළ ලියැවී ඇත.

රට, ජාතිය, ආගම සහ සාහිත්‍ය පෝෂණය කල ජාතික වීරවරයින් සම්බන්දයෙන් ඉතා සරලව ලියවුන මෙම කුඩා ග්‍රන්ථය සියලු සිසු දරුවන් හට ඉතා වැදගත් වන්නේය..

''Rahula Leads The Way'' නමැති කෘතියෙහි සිංහල පරිවර්තනයක් වන මෙය කුඩා දරුවන් තුළ බෞද්ධ සාරධර්ම වර්ධනය සදහා ලියැවුනු අගනා ළමා කතන්දර පොතකි. 

සිංහල ජනකතා සාහිත්‍යයේ ”අමල් බිසෝ” කතාවට හිමිවන්නේ අද්විතීය ස්ථානයකි. සිඟිති දරුවන් බාහිර සමාජයේ විවිධ අතවරවලින් ආරක්ෂා විය යුතුය. ඒ සඳහා දරුවන්ගේ විචාරශීලි චින්තනය රසාලිප්ත කතා ඔස්සේ ඔප්නංවන කෘතියකි.

බුද්ධ චරිත පාදක කොට ගෙන බොහෝ කෘති සම්පාදනය වී ඇත.එහෙත් මේ කෘතිය බුදුන් වහන්සේගේ ශ්‍රී සද්ධර්මයේ ඇති මහැඟි බව කොතරම්දැයි පාඨකයාට මැනවින් අවබෝධ කරදෙයි.

නල දමයන්ති කතා පුවත පුරාණ ගද්‍ය සාහිත්‍යයේ ප‍්‍රකට කතන්දරයකි. සම්භාව්‍ය ග‍්‍රන්ථ පරිශීලනය සඳහා නව පරපුරට මෙමගින් අනගි අවස්ථාවක් උදා කරදෙයි.

''Buddhism For Beginners''  නම් කෘතියේ සිංහල පරිවර්තනයක් වන මෙය බුදු දහම අධ්‍යයනය කරන හා අධ්‍යයනය  කිරීමට බලාපොරොත්තු වන දරුවන්ගේද වැඩිහිටියන්ගේ ද යහපත උදෙසා සම්පාදනය කරන ලද්දකි.

Sigithi Akuru - සිත් ගන්නා ක‍්‍රම තුළින් දරුවන්ට අකුරු හුරුව ලබා දෙයි. කෘති රැසක් සම්පාදිත ගුරුවරයකු වන වැල්ලවායේ සෙනරත් දයානන්ද මෙහි කතුවරයායි.

ලෝකයේ සෑම රටකම පාහේ ජනකතා තියෙනවා. ඒ ඒ රටවල ජනතාවගේ සිතුම් පැතුම් ගති සිරිත් විදහා පානවා. තවත් වෙලාවකට මේ ජනකතාවල ඉතා සමීප නෑදෑ හිතවත්කම් ද දකින්නට ලැබෙනවා. මේ කෘතියේ ඉන්දියාව, ඉතාලිය, ආදී රටවල කතා තියෙනවා.

සාහිත්‍ය කෘති අතර නව මාවතක් ගත් යොවුන් නවකතාවකි. හුදෙක් යොවුන් පාඨකයන් පි‍්‍රය කරන කුමක් හෝ කතාවක් ලියනවාට වඩා මෙහි කතුවරයා අපේ රටේ ඉතිහාසයෙන් ගත් කතා පුවතක් ඉතා රසාලංකාරයෙන් මේ තුළින් ඉදිරිපත් කරයි.

ලොවුතුරා බුදු පියාණන් වහන්සේගේ පිරිනිවන ගැන කතන්දරයක විලාශයෙන් ලියන ලද කුඩා ප්‍රමාණයේ ග්‍රන්ථයකි. මෙහි බුදුන් වහන්සේ ගැනත්, ධර්මය ගැනත් ලොකු කුඩා සියලු දෙනාගේම සිත්හි පහන් සංවේගය ඇති කරවීම විශේෂ කරුණකි.

පාසල හුදෙක් සම්ප‍්‍රදායික රාමුවෙන් දරුවන් තනන කම්හලක් නොවිය යුතුය. සැබෑ පාසල වචනයේ පරිසමාප්ත අර්ථයෙන්ම මවක් බදුය. මානව ස්නේහයත්, ජීවන ආස්වාදයත් අධ්‍යාපනය හා මුසුකොට, නිදහස් නිර්මාණශීලී දු පුතුන් සමාජයට දායාද කළ යුතුය. කසුන්ගේ අලූත් පාසලත් එවැන්නකි. ආදරයෙන් හා විනෝදයෙන් අකුරු කරන අලූත් ඉස්කෝලේ අලූත් අත්දැකීම් කොතරම් අසිරිමත්දැයි ඔබම කියවා බලන්න. 

අභිමානවත් ලාංකේය ඉතිහාසයේ අප‍්‍රකට රසබර තොරතුරු ළමා මනසට ගෝචර වන සේ සරල රසාලිප්ත බසින් මෙසේ එළි දැක්වෙයි.